ക്ലാസ്മുറിയെ പ്രണയിച്ചത്
നട്ടുച്ച നേരത്തെ ഇളം കാറ്റിനോടൊപ്പം....
സുഖകരമായ നിന്റെയുള്ത്തണുപ്പില്
ആലസ്യങ്ങള്ക്ക് നെടുനീളന് അവധി.
ജനല് വഴികളില്..,
അനുമതികള് കാക്കാതെ ,
ഇസങ്ങളിലേക്കു പറന്നിറങ്ങിയ,
അസഖ്യം അപ്പൂപ്പന് താടികള്
നിലക്കാത്ത കാഴ്ച്ചകളില്
കമ്മ്യുണിസ്റ്റുപച്ചകളുടെ ദീര്ഘനിശ്വാസങ്ങള്...
അതിനുമപ്പുറം ഒരക്കേഷ്യമരക്കാട്.
" പ്ലേറ്റോ...റൂസോ...ലെവിതാന്...മാര്ക്സ് "
ചരിത്രത്തിലൂടെ ഭരണകൂടങ്ങളിലേക്ക് ,
മനസ്സുകളുടെ സഞ്ചലനം....
ശ്രദ്ധിക്കുക, ജോസഫ് ആന്റണി സാറിന്റെ
ചോക്കുകഷ്ണം യാത്രയിലാണ് "
കടലും സുര്യനും കരകളും കടന്ന്,
ഭിന്നവഴികളില് രാഷ്ട്രങ്ങളുടെ ഘോഷയാത്ര....
ചുവരുകളെല്ലാം വന്കരകള്,
എല്ലാറ്റിനും മുകളിലെന്നോണം,
ഏതോ ചെത്തു ചെക്കന് കോറിയിട്ട,
മുഴുത്തൊരു കഴുകന് !
ഇടതുചുമരില് ഫിദലിന്റെ പച്ചത്തലപ്പാവ്.
ചുവപ്പു രശ്മികള് പ്രസരിക്കുന്ന രണ്ടു കണ്ണുകള്
യുദ്ധങ്ങളിളേക്കു പട്ടം പറത്തുന്നവരുടെ
പ്രത്യേക സുവിശേഷങ്ങള്......
"മനുഷ്യാവകാശങ്ങളുടെ പേറ്റെന്റ് അവര്ക്കാണത്രേ "
"തിന്നു മുടിക്കാനൊരുപിടി ധാന്യവുമില്ലത്രേ"
ആഖ്യാനങ്ങളില്, "ജലത്തിന്റെ രാഷ്ട്രീയം".
തീ പിടിച്ച ഞങ്ങളുടെ തൊണ്ടകള് ,
വെള്ളത്തിനായി പ്രതിഷേധിച്ചു.
ഒരു ഷോര്ട്ട് ബ്രേക്ക് !
" മയിലമ്മ മുന്പേ നടക്കുന്നു.."
അവസാനത്തെ ഡെസ്ക്കില്
മറന്നു വെക്കപ്പെട്ട
മാബ്ബഴമണമുള്ളൊരു വെള്ളക്കുപ്പി...
ഞാനതു കരള് ചേര്ക്കുന്നു...
ക്ലാസ്മുറിക്കപ്പുറം
പുകയുന്ന വേനലുകളെ ഓര്മ്മിച്ചുകൊണ്ടു തന്നെ...
കെ.ജി.സൂരജ്
**********************
7 comments:
സൂരജ്,
നല്ല നിരീക്ഷണ പാടവമുണ്ട്.. എവിടൊക്കെയോ എത്തിപ്പോയി.. പ്രത്യേകിച്ചും ലാസ്റ്റ് വരികള് വായിച്ചപ്പോള് ..
Dear,
Good picturisation. I felt I were in your class. I saw Your class room, Antony sir, flying chalk and the juice bottle. touching presentation...
Do write more...
എന്തൊക്കെയോ എഴുതിയീട്ടുണ്ട്!
ഒന്നും മനസിലായില്ല!ചിലപ്പോള് ഈ ഉള്ളവന്റെ നിരീക്ഷണപാടവം അത്രക്കങ്ങ് പോരാഞ്ഞിട്ടാവും
chila varikal oru matakkayathrakku prerippikkunnu
പ്രിയസുഹ്രുത്തേ
നല്ലവായനാനുഭവം....
കവിതയില് ഇനിയും പരീക്ഷണങ്ങള് ഉണ്ടാവട്ടെ...
സ്നേഹപൂര്വ്വം.
ചുവരുകളെല്ലാം വന്കരകള്,
എല്ലാറ്റിനും മുകളിലെന്നോണം,
ഏതോ ചെത്തു ചെക്കന് കോറിയിട്ട,
മുഴുത്തൊരു കഴുകന് !
ഇടതുചുമരില് ഫിദലിന്റെ പച്ചത്തലപ്പാവ്.
ചുവപ്പു രശ്മികള് പ്രസരിക്കുന്ന രണ്ടു കണ്ണുകള്
യുദ്ധങ്ങളിളേക്കു പട്ടം പറത്തുന്നവരുടെ
പ്രത്യേക സുവിശേഷങ്ങള്......
"മനുഷ്യാവകാശങ്ങളുടെ പേറ്റെന്റ് അവര്ക്കാണത്രേ "
"തിന്നു മുടിക്കാനൊരുപിടി ധാന്യവുമില്ലത്രേ"
ആഖ്യാനങ്ങളില്, "ജലത്തിന്റെ രാഷ്ട്രീയം".
തീ പിടിച്ച ഞങ്ങളുടെ തൊണ്ടകള് ,
വെള്ളത്തിനായി പ്രതിഷേധിച്ചു.
ഒരു ഷോര്ട്ട് ബ്രേക്ക് !
" മയിലമ്മ മുന്പേ നടക്കുന്നു.."
തീഷ്ണമായ വരികൾ. ഒരുപാടിഷ്ടപ്പെട്ടു
ഒരു ഷോര്ട്ട് ബ്രേക്ക് ! - Athinte avashyamilla. Athimanoharam. Ashamsakal.
Post a Comment