എടവങ്കോട് വരെയുള്ള യാത്ര
ഇരുട്ടായിരിക്കും ,
ഉള്ളില് രണ്ട് പൊറോട്ടയും
കുറുമയും ഇണ ചേരുന്നു
ഹെര് കുലീസ് സൈക്കിളിന്റെ
മെലിഞ്ഞ് എല്ലുന്തിയ സീറ്റില്
അധികം ഉറപ്പിക്കാനാകാത്ത ഇരുത്തത്തില്
ചവുട്ടിക്കയറ്റിയത് ഒരു കുന്ന് മുഴുവനുമായിരുന്നെന്ന്
പുലര് ച്ചയ്ക്ക് അതേ കുന്നിലൂടെ
സുഖമായി തിരിച്ചിറങ്ങുമ്പോഴാണ്`
അറിയുക!
കുളങ്ങള്
മൊത്തം എത്ര കുളങ്ങളുണ്ടെന്ന്
തിട്ടപ്പെടുത്താന് ബുദ്ധിമുട്ടാണ്`
എരുമകള് ജലക്രീഡയാടുന്നതും
മൂരികള് വെള്ളം കുടിക്കുന്നതും
ഒരേ കുളത്തിലാണ്,
ഇടയ്ക്ക് സ്വര് ണ്ണം അരിക്കാന് വരുന്ന
തമിഴന്മാര് കയ്യേറും വരെ
തൊട്ടടുത്ത് ചെറുതൊന്നുണ്ട്,
നിറയുന്നതിനോടൊപ്പം ചാല്` കീറി
മുറിവൊലിപ്പിച്ച് നെല് വയലുകളെ
വെള്ളം കുടിപ്പിക്കാനൊന്ന്.
പിന്നൊന്ന് വികൃതിപ്പിള്ളേര് ക്ക്
കലക്കിക്കളയുന്നതാണ്`,
മുതിര് ന്നവര് കുളിക്കുന്നതും
തുണിയലക്കുന്നതുമായതില്
മുതലകളുണ്ടായിരുന്നത്
ഇപ്പോള് എല്ലാം ഓടിപ്പോയത്രേ !!
ഇതൊന്നുമല്ലാതെ ആമ്പല് പൂക്കുന്ന
നീര് ക്കോലികള് പുളയുന്ന ഒന്ന്,
എന്തിനെന്നറിയാതെ നിറയുകയും
വറ്റുകയും ചെയ്യുന്ന വേറൊന്ന്..
എല്ലാം കൂടി എത്രയുണ്ടെന്ന്
എണ്ണിത്തിട്ടപ്പെടുത്താന് പറ്റില്ല.
ഒറ്റയടിപ്പാത
ഒരു ഒറ്റയടിപ്പാതയുണ്ടായിരുന്നു,
അതിനെങ്ങനെ ആ പേര് കിട്ടിയെന്ന് അറിയില്ല
കാരണം , അങ്ങോട്ട് പോകുമ്പോള്
( പാടങ്ങള് ക്കും പിന്നെ വരമ്പുകള്
അവസാനിക്കുന്ന കാവിലേയ്ക്കും )
വലത് വശം കുളവും
ഇടത് വശം ഒരു മതിലും സൃഷ്ടിച്ച്
ഉച്ചതാഴ്ചകളുടെ സം ഭ്രമം ആയിരുന്നത്.
ഇങ്ങോട്ട് വരുമ്പോഴോ,
ഗ്രാമത്തിലേയ്ക്കും , പൂഴി നിറഞ്ഞ
വഴി പിന്നിട്ട് കള്ള്` ഷാപ്പില് അവസാനിച്ച്...)
കുത്തിറക്കത്തിന്റെ മലക്കം മറിച്ചിലില്
മത്ത് പിടിച്ച് ആടിയാടി വരുമ്പോള്
ഒന്നുമറിയാത്ത പോലെ ഇരുവശവും
പുല്ല്` പാകി... എന്നിട്ടും അതിനെ
വെറും ഒറ്റയടിപ്പാതയെന്നൊക്കെ
നിസ്സാരമായി വിളിച്ച് തള്ളാന്
എങ്ങനെ കഴിയുന്നു!!
..
4 comments:
ജയേഷ്,
എട്ടുപത്തു കൊല്ലം മുന്പ് തെന്മലയും മലമ്പുഴയും അറിയാതെ പഴയ പാലക്കാടിനെ തട്ടിക്കൊണ്ടുപോയ ഒരു കാമുകനാണ് ഞാന്.സ്നേഹം പൊറാതെ ഞാന് ഉള്ളിലിട്ട് കൊന്നു അതിനെ.നീ അതിനു വീണ്ടും ഉയിരൂതിക്കൊടുത്തു;
മൂന്നു കവിതകളെന്ന വ്യത്യസ്തത, പക്ഷേ ഇല്ല. അതൊരു കുറവാകാതിരിക്കണമെങ്കില്, ഒരു കവിതാപരമ്പരയായി, ഒരു പുസ്തകമായി ഈ സൈക്കിള് യാത്ര തുടരൂ.
നന്നായിരിക്കുന്നു
Nannayirikkunnu. Bhavikangal..!!!
nannayirikunnu... asamsakal...
Post a Comment